YANGA YASHUSHA STRAIKA WA AFCON


HUENDA Yanga wakatimiza ahadi yao ya kutangaza ubingwa mapema msimu ujao, hii ni kutokana na usajili wa nguvu wanaoufanya, kwani baada ya kunasa saini ya baadhi ya wachezaji muhimu, sasa wameelekeza nguvu zao nchini Ivory Coast na muda wowote watashusha mtambo wa mabao.
Straika huyo, ambaye wanamuwinda kwa udi na uvumba, ni Aristide Bance, ambaye amekipiga katika timu mbalimbali barani Ulaya, ikiwamo Ujerumani pamoja na Afrika.
Kwa sasa straika huyo anaichezea timu ya Asec Mimosas ya nchini kwao Ivory Coast, lakini ameshawahi kupita nchini Uturuki akiichezea Samsunspor, pia 1. FSV Mainz 05 ya nchini Ujerumani.
Straika huyo ambaye kucheka na nyavu ni jambo la kawaida kwake, pia aliichezea Chipa ya nchini Afrika Kusini katika msimu wa 2015/16, akiifungia jumla ya mabao matatu katika michezo 14 aliyocheza.
Kwa ujumla straika huyo mpaka sasa amepitia timu 19, lakini mafanikio yake makubwa aliyapata kwenye soka la Ujerumani pamoja na Ubelgiji, ambapo timu alizozichezea alifunga idadi kubwa ya mabao kuliko kwingine alikopita.
Akiwa nchini Ujerumani na 1.FSV Mainz 05, alifunga jumla ya mabao 24 katika michezo 62 aliyocheza, huku idadi yake kubwa zaidi ya mabao ikiwa ni nchini Ubelgiji, akiwa na timu ya Loreken, akifunga jumla ya mabao 27 katika michezo 77 aliyocheza msimu wa 2003-2006.
Shabiki wa kawaida anaweza akajiuliza swali kwamba, kama alishawahi kupita timu hizo kubwa, Yanga wanawezaje kumudu dau lake? Jibu ni jepesi sana, kwani hiyo timu anayoichezea kwa sasa inamlipa shilingi za Tanzania milioni 4.
Fedha hiyo ni ndogo sana kwa jeuri waliyonayo Yanga, kwani hata hao akina Donald Ngoma wanalipwa zaidi ya hivyo, hivyo hiyo si ishu kabisa kwa vigogo wa mabingwa hao watetezi wa Ligi Kuu Tanzania Bara.
Kigogo mmoja wa Yanga ameliambia DIMBA kwamba, mipango inasukwa ya chini kwa chini ili kukamilisha dili hilo, ambapo kama likitiki itakuwa ni bahati mbaya kwa Justice Zullu ‘Mkata Umeme’, kwani mkataba wake unaweza kupigwa stop.
“Tumemuangalia namna ya uchezaji wake tukagundua anatufaa na jambo la kufurahisha ni kwamba amepitia nchi nyingi, ikiwamo Ujerumani, hiyo ikimaanisha kuwa ni mzoefu wa siku nyingi. Kuhusu dau hilo halina shida, kwani hata hapo alipo fedha anayolipwa haikuti ile ya Ngoma (Donald),” alisema kigogo huyo.

Comments

Post a Comment

Popular posts from this blog

ILE SINTOFAHAMU YA NANI BINGWA WA VPL HII HAPA

Image
Siku kadhaa zilizopita Rais wa Shirikisho la Soka la Tanzania (TFF), Jamal Malinzi alitoa taarifa kupitia ukurasa wake wa Twitter akielezea juu ya barua iliyokuwa ikihusu ubingwa wa Yanga, sasa habari kamili TFF wameitoa nayo ni hii hapa: Rais wa Shirikisho la Mpira wa Miguu la Kimataifa (FIFA), Gianni Infantino, Mei 24, mwaka huu alituma ujumbe Shirikisho la Mpira wa Miguu Tanzania (TFF) kuipongeza Young Africans ya Dar es Salaam kwa kutwaa ubingwa Ligi Kuu ya Vodacom Tanzania Bara msimu wa 2016/17. Young Africans imetwaa Kombe hilo ikiwa ni mara tatu mfululizo na katika salamu za pongezi, Rais Gianni Infantino amesema ubingwa huo wa Young Africans ni kielelezo cha ushirikiano baina ya wachezaji, kocha, utawala, matabibu pamoja na mashabiki. Katika pongezi zake Rais Infantino ameishukuru Young Africans na shirikisho la mpira wa miguu la nchi kwa kusadia kupeleka ujumbe chanya kwa jamii kuhusiana na mpira wa miguu. TANGAZA NASI HAPA
Read more

Michezo:Ajibu huyo yanga

Image
Katibu Mkuu wa klabu ya Yanga SC, Charles Boniface Mkwasa amemtangaza rasmi mshambuliaji, Ibrahim Ajib Migomba kujiunga na timu hiyo kwa mkataba wa miaka miwili. “Tuna mtambulisha rasmi kwa wapenzi wa Yanga na wanamichezo kwa ujumla mchezaji, Ibrahim Ajib ambaye kwa hivi sasa amepata kandarasi ya miaka miwili kuichezea klabu ya Yanga”. “Tumekuwa tukisikia kwenye vyombo vya habari na tumekuwa tukisema tutaendelea kutangaza wachezaji kwa wakati maalumu kama ilivyokuwa leo tumeamua kumtangaza rasmi Ajibu na natumia fursa hii kumpokea” amesema Charles Boniface Mkwasa katibu Mkuu wa klabu ya Yanga. Uwezo wake mkubwa wa kumiliki mpira na kufunga ndio sababu ya wadau wengi kuamini mshambuliaji huyu wa Yanga anaweza kuwa mmoja wa watakao weza kuisadia klabu hiyo katika mashindano ya kitaifa na kimataifa ambayo wanakabiliwa nayo.
Read more

ELIZABETH MICHAEL ' LULU' awafungukia wasanii wa bongo move

Image
MSANII WA MAIGIZO ALIYEFANYA VIZURI NA FILAMU YA 'MAPENZI YA MUNGU', ELIZABETH MICHAEL ' LULU' AMEFUNGUKA NA KUSEMA WASANII WA MAIGIZO BONGO WANAFELI KUTOKANA NA KUTOJIELEWA NI KITU GANI AMBACHO WANAKITAKA KWENYE SANAA, BADALA YAKE WANAFUATA MIKUMBO. LULU AMEFUNGUKA HAYO HIVI KARIBUNI AKIZUNGUMZA NA WANAHABARI NA KUSEMA KUWA WASANII WENGI WA TANZANIA HAWAPENDI KUJISHUGHULISHA KUTAFUTA KITU KIZURI KWA KUWA WENGI WAO WALIFUATA MKUMBO KWENYE KUIGIZA  NA WENGINE WALICHUKULIA KAMA SEHEMU YA KUJIPATIA UMAARUFU ILI MAISHA YAENDELEE AU SEHEMU YA KUPOTEZEA MUDA. "UKWELI UPO KWENYE UIGIZAJI KUNA WATU TUNACHUKULIA HII NI KAZI, WAPO WANAOFANYA KAMA SEHEMU YA KIPAJI CHAKE LAKINI PIA WAPO AMBAO WANACHUKULIA KAMA SEHEMU YA KUJIPATIA UMAARUFU AU KU-REFRESH KWANI WANAKUA NA KAZI ZAO ZINGINE,  NA HAO NDIO WANAOSABABISHA TUONEKANE WAIGIZAJI WA MUVI TUMEFELI". PAMOJA NA HAYO LULU AMEONGEZA, "UNAJUA PIA KUFUATA MKUMBO NI KITU KILICHOTURUDISHA NYUMA. WATU WENGI WALIKUWA W...
Read more

fahamu kilichojiri nyumbani kwa Tundulisu

Image
Jeshi la polisi lilikwenda nyumbani kwa Tundu Lissu kufanya ukaguzi kufuatia makosa mawili ambayo Mbunge huyo wa Singida Mashariki na Rais wa TLS anatuhumiwa nayo ambayo ni pamoja na Kusema makosa ya Rais John Pombe Magufuli hadharani na chochezi kuhusu kushikiliwa ndege ya Tanzania aina ya Bombardier Q400 huko nchini Canada. Kwa mujibu wa Afisa Habari wa CHADEMA, Tumaini Makene amedai kuwa Tundu Lissu amerudishwa  Kituo Kikuu cha Polisi kwa ajili ya taratibu zingine za kisheria ambazo zitaendelea ikiwa pamoja na dhamani ambayo kisheria ipo wazi. Tundu Lissu alikamatwa Jumanne ya tarehe 22 Agosti 2017 na jeshi la polisi alipotoka mahakamani kwenye kesi ya uchochezi , alipelekwa Police Central kwa ajili ya kufanyiwa mahijiano na baadaye kulala rumande kutokana na jana kushindwa kupewa dhamana.   Na eatv
Read more