Mnyika awaponza askari sita, kamanda asema jeshi linawahita.


Dodoma. Mbunge wa Kibamba (Chadema), John Mnyika amewaponza askari sita waliokuwa zamu ya kulinda ndani ya ukumbi wa Bunge baada ya Spika Job Ndugai kuamuru wahamishwe vituo vya kazi na kupelekwa wilayani.
Hatua hiyo imekuja kwa kile kilichoelezwa na spika kuwa askari hao walishindwa kutekeleza sawasawa amri ya kumtoa Mnyika ndani ya ukumbi huo.
Hata hivyo, Kamanda wa Polisi Mkoa wa Dodoma, Lazaro Mambosasa alisema kama Bunge haliwahitaji askari hao, jeshi hilo linawahitaji na watapelekwa katika wilaya nyingine.
Sakata hilo lilijitokeza Ijumaa wiki iliyopita wakati Mnyika alipokuwa akipinga kuitwa mwizi na mmoja wa wabunge alipokuwa akichangia hotuba ya bajeti ya Nishati na Madini kwa mwaka wa fedha 2017/18.
Ndugai alimtaka Mnyika kutohudhuria vikao vitano vya Bunge na adhabu inamalizika Ijumaa wiki hii.
Habari za kuhamishwa kwa askari hao zilianza kusambaa mkoani hapa juzi na kuthibitishwa na Spika Ndugai jana wakati wabunge wakichangia mapendekezo ya Kamati ya Haki, Maadili na Madaraka ya Bunge iliposoma hukumu ya wabunge wawili wa Chadema.
Halima Mdee (Kawe-Chadema) na Ester Bulaya (Bunda-Chadema) waliadhibiwa baada ya kudaiwa kudharau mamlaka ya spika.
Kwa mujibu wa taarifa zilizopatikana mjini hapa, askari hao waliopangwa zamu siku hiyo wametawanywa katika wilaya mbalimbali zilizopo mkoani hapa mbali na Wilaya ya Dodoma.
Baada ya kuondolewa kwa askari hao, askari waliolinda usalama ndani ya Bunge jana ni waliokuwa wakilinda katika milango ya kuingilia bungeni.
“Hawawezi kuwachukua nje ya maeneo ya Bunge kwa sasa kwa sababu askari wanaohudumia humu ndani wamepata mafunzo maalumu juu ya kazi hiyo,” alisema mmoja wa askari mkoani hapa.
Akizungumza bungeni jana, Ndugai alisema amekiondoa kikosi cha askari hao kwa kuwa hakikutimiza wajibu wao vizuri.
Akirekebisha kauli ya mbunge wa Ubungo (Chadema), Saed Kubenea, alisema Mnyika ambaye pia ni waziri kivuli wa Nishati na Madini aliondolewa ndani ya ukumbi huo kama mwizi. “Naomba kwanza nirekebishe aliyoyasema mheshimiwa Kubenea, kuhusu mheshimiwa Mnyika kutolewa kama mwizi, si kweli. Askari wale walimtendea utu ambao haujawahi kuonekana mpaka nikawa nawashangaa ni askari au sio,” alisema Ndugai.
“Kwa sababu hiyo kwa kutokutimiza wajibu wake sawasawa kile kikosi kimehamishwa chote, hakipo hapa. Askari watakaokuwapo hapa ni wale ambao wakiambiwa wanatekeleza.”
Alisema mbunge akiambiwa afanye kitu anatakiwa afanye kiheshimiwa.
“Hivi anafanya kiheshimiwa? Ukivua uheshimiwa wako sasa utakuwa umeamua kuwa kitu kingine na utakuwa treated (tendewa) na askari kadri walivyofundishwa. Kwa kadri unavyouondoa uheshimiwa wako ndivyo watakavyofanya. Na tutaendelea kuvibadilisha vikosi hivyo mpaka tupate kile chenyewe,” alisema.
Ndugai ambaye pia ni mbunge wa Kongwa alisema mabadiliko ya vikosi vya askari wa Bunge yatafanyika kila wakati ili wapatikane askari watakaoweza kuwaondoa wabunge wakorofi kwa staili anayotaka spika.
Akizungumzia hatua hiyo, Mambosasa alisema askari sita waliokuwapo bungeni ndio waliohamishwa na kupangiwa vituo vya kazi katika wilaya nyingine.
Mnyika hakuweza kupatikana kuzungumzia suala hili kutokana na kuwapo mjini Moshi kwenye shughuli za kuuaga mwili wa mwasisi wa Chadema, Philemon Ndesamburo.

Comments

Post a Comment

Popular posts from this blog

Bavicha waja na hili lakuwashughulikia waalifu wasiojulikana

Image
"Natoa agizo kwa viongozi wote wa vijana hapa nchini kuratibu utaratibu mzuri wa chinichini namna ya kuwashughulika hawa wahalifu ambao hawajulikana. Inawezekana hawa watu wasiojulikana wananguvu kuliko vyombo vya dola. Naomba niseme tutawashughulikia kwa namna isiyojulika, kwasababu wao ni watu wasiojulikana. Nitajiudhuru nafasi yangu endapo hili litashindikana. Pamoja na hayo Bw. Katambi ameongeza kwamba viongozi wa kisiasa wanapaswa kukutana kwa ajili ya majadiliano ya ya matukio yanayotokea kwani hali ya hatari haipo kwa CHADEMA tu bali kwa viongozi wote huku akitolea mfano tukio la viongozi wa CUF walipovamiwa wakiwa kwenye mikutano. " Napendekeza viongozi wa kisiasa waweze kukutana kwa ajili ya majadiliano ya namna gani ya kukabiliana na hawa watu wasiojulikana wakadhibitiwa. Mfano Alphonce Mawazo, aliyeuawa na watu wasiojulikana, lakini Ben Saanane naye amepotezwa na watu wasiojulikana na hata viongozi wa CUF walivamiwa mkutanoni na watu wasiojulikana. Ni vyema ja...
Read more

Ommy dimpoz;! Nasimama kwenye haki ‘Cheche ni wimbo wangu’

Image
Baada ya tetesi kuwa Msanii wa Bongo Fleva, Ommy Dimpoz ameiba wimbo wa Cheche kutoka kwa Msanii mchanga ajulikanaye kwa jina la Modala, Hatimae Ommy Dimpoz amejibu tuhuma hizo kwa kusema wimbo wa Cheche ni wake huku akiweka wazi kuwa amenunua mashairi ya wimbo huo kutoka kwa Mtunzi/Muandaaji wa muziki Lolipop. Ommy Dimpoz Ommy Dimpoz amesema alinunua Wimbo huo kutoka kwa Lolipop mwaka jana ingawaje amechelewa kuuachia kutokana na muingilio wa ratiba lakini hakuwahi kuusikia wimbo wa Cheche wa Modala na hata wakati ananunua wimbo huo alimuamini Lolipop kwani ni mtunzi mzuri wa nyimbo na hakuambiwa kwamba wimbo huo tayari ulikuwa umenunuliwa. “Mimi naamini Lolipop ni mwandishi mzuri pengine kuliko mimi…Kwahiyo mimi nina haki na wimbo wa Cheche na nilinunua kutoka kwake kwasababu ni mwandishi ambaye amewaandikia Wasanii wengi nyimbo.. Mimi nimewekwa mtu kati, kati ya Lolipop na Abby Dady lakini watu wajue wimbo huu ni wangu soo hata mkitukana tukaneni ila nasimama kwenye haki yan...
Read more

DC akiri kuwaweka ndani viongozi wa CHADEMA

Image
Kupitia taarifa aliyoitoa Mkuu huyo wa wilaya amesema kwamba taarifa zinazoenezwa kwenye mitandao ya kijamii zina lengo la kwafitinisha wana Ikungi na jimbo la Singida Mashariki kwa ujumla. Amesema kuwa "Viongozi waliokamatwa na baadaye kuachiliwa walihojiwa na kuachiwa kwa dhamana hawakuwa wakiratibu michango bali walikuwa wakiandika mabango yenye ujumbe wa kichochezi dhidi ya viongozi wa serikali na wakitaka kuandamana bila kibali. Aidha amewataka wanaikungi kutulia katika kipindi hiki ambacho Mh. Lissu akipatiwa matibabu nje ya nchi na pia kutojaribu kuingiza siasa na badala yake waiachie serikali nafasi ya kuendelea na kazi ya uchunguzi ili waliohusika na tukio hilo waweze kuchukuliwa hatua kali. Pamoja na hayo ameongeza kuwa "Ingawa viongozi wa CHADEMA Taifa wameshatangaza utaratibu wa kuchangia, ningewashauri na viongozi wengine wafuate mkondo huo huo. Mimi kama kiongozi wa wilaya tayari nimeshamwagiza mwenyekiti wa Halmashauri ya Ikungi ili kuitisha kikao cha ma...
Read more

BREAKINGNEWS serikali yamjibu tundulisu

Image
Serikali imewataka wananchi kupuuza uvumi ulianzishwa na wanasiasa juu ya ndege za Bombadier na kusema kuwa wawe watulivu ndege ya tatu ipo na inakuja nchini hivyo waendelee kuiamini serikali yao. Hayo yamesemwa na Ndg. Zamaradi Kawawa  Kaimu Mkurugenzi mkuu idara ya habari "Kuhusiana na mgogoro wa ununuzi wa ndege hatua za Kidiplomasia na sheria zimeanza kuchukuliwa ili kumaliza jambo hili" -
Read more

Jux afunguka haya kuhusu vanessa mdee

Image
Akizungumza kwenye Planet Bongo ya East Africa Radio, Jux amesema Vanessa sasa hivi yupo kwenye wakati mgumu katika kufanya mambo yake ya kawaida, hivyo ni jukumu lake kuhakikisha haeleweki vibaya mbele za watu. “Kuna vitu mimi siwezi kuvifanya ili kumlinda na yeye hawezi kufanya kunilinda mimi, japo watu watasema vingi hasa kwa mwanamke pale anapoamua kufanya baadhi ya vitu vyake binafsi. Natakiwa kumlinda Vanessa sasa hivi kwa kuwa kila jambo ambalo atalifanya watu watamfikilia vibaya hivyo napaswa kumlinda kutokana na hilo kwa sababu wanawake wenyewe wako wachache”, alisema Jux. Jux aliendelea kwa kusema kuwa wakati bado wako kwenye mahusiano Vanessa alikuwa na uhuru wa kufanya jambo lolote, kwani karibia kila mmoja aliamini yupo na Jux ndiye mtu wake. “Muda mwingine anaweza akashindwa hata kufanya vitu vingine, mwanzo hata akionekana na mtu wana-shoot au wanafanya nini, wanajua yupo na Jux, lakini sasa hivi hawezi”, alisema Jux Pia Jux aliweka wazi kuwa ingawa bado ana kidon...
Read more

Waziri Mwijage alivyovamia kiwanda cha Mbunge wa CCM

Image
WAZIRI wa Viwanda, Biashara na Uwekezaji, Charles Mwijage alitua alfajiri katika kiwanda cha mafuta ya kula cha Moproco kinachomilikiwa na Mbunge wa Morogoro Mjini (CCM), Aziz Abood, imefahamika. Mwijage, imeelezwa, alifika kiwandani hapo alfajiri kwa lengo la kujionea maandalizi yanayoendelea ya uzalishaji wa mafuta ya alizeti na mashudu. Akizungumza na gazeti la Nipashe mwishoni mwa wiki, Meneja Rasilimali Watu wa Abood Seed Oil Industries, Wilson Ndimgwango alisema waziri huyo alifika kiwandani kwake alfajiri ambapo uongozi wa Moproco ukiwa haujaingia kazini. Hata hivyo, Ndimgwango alisifu staili hiyo ya kuvamia viwanda alfajiri na kumpongeza Waziri Mwijage, akisema anapaswa kuiendeleza, ili kupata uhalisia wa hali ya viwanda ambavyo vilibinafsishwa na serikali na kupewa wawekezaji. Alisema Waziri Mwijage alifika Moproco saa 12 asubuhi na hakukuta kiongozi kwa kuwa hawakuwa na taarifa ya ujio wake, lakini alijionea shughuli zinazoendelea kwenye kiwanda hicho. “Hii staili ime...
Read more

Mapya yaibuka ripoti ya gesi mtwara

Image
Kwa mujibu wa ripoti hiyo ya Januari hadi Juni 2017, viongozi wa umma wanatajwa kuhusika katika upotoshaji huo hasa kwenye utekelezaji wa mradi shirikishi jamii wa kudhibiti athari za uendelezaji wa sekta ya mafuta na gesi asilia kwa binadamu, mazingira na hali ya hewa nchini. “Kupitia mradi huu tumebaini kuwa wananchi walipotoshwa dhidi ya uchumi wa gesi asilia, wakajazwa matumaini makubwa ya kuwa matajiri ndani ya muda mfupi kuliko uhalisia, hali hiyo ilichagia vurugu za kupinga mradi wa ujenzi wa bomba la gesi kutoka Madimba hadi Dar es Salaam mwaka 2013,” inaeleza ripoti hiyo. Mratibu wa mradi huo, Mustafa Kwiyunga alisema Taifa halikujiandaa dhidi uchumi za gesi. “Kwa kweli ilikuwa ni sekta ngeni kwa kila mmoja, wakati jamii inahitaji kuelimishwa, waelimishaji nao hawakuwa na taarifa sahihi hivyo wakalazimika kutoa taarifa walizonazo bila ya kujali usahihi wake,” alisema kwiyunga. “Mradi huu umejikita zaidi katika kuwashirikisha wakazi wa mikoa ya Lindi na Mtwara kujua atha...
Read more

yaibuka sintofahamu mazishi ya Ndesamburo      

Image
    By Daniel Mjema na Happiness Tesha mwananchipapers@mwananchi.co.tz Moshi. Hali ya sintofahamu jana ilikuwa imetanda msiba wa mwanasiasa mkongwe nchini, Philemon Ndesamburo baada ya Serikali ya mkoa kutaka shughuli ya kuaga mwili wake ihamishwe kutoka uwanja maarufu wa Mashujaa. Hali hiyo iliibuka baada ya uongozi wa Chadema wa Wilaya ya Moshi kupokea barua yenye kumbukumbu namba MMC/A.20/1/VOL.XV11/107, inayoeleza kuwa siku ya Jumatatu kuna taasisi za umma kama mahakama itakuwa ikiendelea na shughuli zake. Barua hiyo ya Juni 2 iliyotumwa kwa mwenyekiti wa Chadema wa Moshi, African Mlay inasema shughuli ya kuaga mwili wa Ndesamburo aliyefariki dunia ghafla mapema wiki hii, ifanyike Uwanja wa Majengo. “Uwanja wa Majengo ni mkubwa zaidi na ni jirani na nyumbani kwa marehemu. Una wigo, una milango ya kuingia na kutoka na una uwezo kuruhusu kuegesha magari mengi ndani,” inasema. Lakini, mwenyekiti wa Chadema, Freeman Mbowe alisema, pamoja na kuamua kutoitia najisi shughuli ...
Read more