wananchi wamshtaki polisi kwakuwanyanyasa


Wakitoa malalamiko hayo kwa Mkuu wa Mkoa wa Ruvuma, Mh. Christina Mndeme ambaye kwa mara ya kwanza amefanya ziara ya kikazi wilayani Tunduru tangu kuteuliwa kwake Octoba kushika wadhifa huo, baadhi ya wananchi hao wa Tunduru wamesema askari huyo amekuwa akiwanyanyasa kwa kuwabambikiza kesi na wakati mwingine kukamata wananchi wakiwa kwenye shughuli za uzalishaji mali akiwaita wazururaji.
Akijibu malalamiko hayo ya wananchi, Mkuu wa Polisi wa wilaya ya Tunduru, Mrakibu Mwandamizi wa jeshi la Polisi, Mwakasanda amesema ameshaagiza askari Polisi huyo akamatwe popote alipo na kuwekwa ndani kwa uchunguzi zaidi.
Hata hivyo Mkuu wa Mkoa wa Ruvuma, Mh, Christina Mndeme amewaonya askari polisi kuacha tabia ya kubambikizia kesi wananchi na badala yake watende haki huku akiwataka wananchi wasiogope kutoa taarifa polisi endapo wanafanyiwa vitendo hivyo ili hatua zaidi zichukuliwe.

Comments

Post a Comment

Popular posts from this blog

wawili wamefariki dunia katika majibizano ya risasi

Image
Watu wawili wamefariki dunia katika majibizano ya risasi kati ya polisi na watu hao katika kijiji cha Ngnurunguru, kata ya Mandembo Tarafas ya Nampungu Wilayani Tunduru Mkoani Ruvuma Kwa mujibu wa Kamanda wa Polisi Mkoa wa Ruvuma Gemini Mushi, polisi hao wakiwa katika majukumu mbalimbali ya ulinzi wa raia usiku wa kuamkia jana katika kijiji cha Nangurukuru walikutana na watu wakiwa kwenye pikipiki walijaribu kuwasimamisha walikaidi amri na kuanza kurusha risasi. Kamanda Mushi amesema kuwa polisi kwa kutumia mbinu za medani walifanikiwa kuwashinda watu na hao na kuwapiga risasi na kufa papo hapo, ambapo walikutwa na bunduki aina SR pamoja na risasi 41 zinazotumiaka na silaha hiyo. Kamanda wa Polisi Mkoa wa Ruvuma Gemini Mushi . Katika Tukio jingine Jeshi la Polisi Wilaya ya Mbinga linamtafuta binti mmoja mwenye umri wa miaka 16 ambae jina lake limehifadhiwa kwa kosa la kutaka kumfukia mtoto wake mchanga anaekadiriwa kuwa na umri wa siku moja. Na Eatv
Read more

Jumuiya ya Freemasons imetoa tahadhari nzito kwa Watanzania

Image
HATIMAYE Jumuiya ya Freemasons imetoa tahadhari nzito kwa Watanzania kuhusiana na taarifa za upotoshaji kuhusiana na namna ya kujiunga nao. Jumuiya hiyo, ambayo inatambuliwa na Jumuiya Kuu ya Freemasons nchini Uingereza (United Grand Lodge of England), ilitoa tahadhari yake rasmi jana, baada ya kuwapo kwa kile kinachoelezwa kuwa ni kuwapo kwa upotoshaji unaofanywa na baadhi ya watu kupitia matangazo yanayoelezea utaratibu wa kujiunga uanachama katika namna isiyokuwa sahihi. Hivi karibuni, kumekuwa na matangazo mbalimbali katika maeneo ya miji, ikiwamo Dar es Salaam, yanayohamasisha watu kujiunga na jumuiya. Vyanzo mbalimbali vimeiambia gazeti la Nipashe kuwa hadi sasa, tayari baadhi ya watu wameshalizwa kiasi kikubwa cha fedha kutokana na matumaini wanayopewa na matapeli wanaojinadi mitaani kuwa wanawaunganisha watu kuwa ‘memba’ wa Freemasons kwa kuwatoza fedha huku pia, wakiwapa matumaini hewa kuwa shida zao kiuchumi zitafikia mwisho na kuwa mabilionea wakubwa kupitia jumuiya hi...
Read more

Taarifa ya Serikali baada ya kauli za jana za Tundu Lissu

Image
  Dr. Abbasi Serikali imemshauri Mbunge wa Singida Mashariki kwa tiketi ya Chama cha Demokrasia na Maendeleo (CHADEMA) Tundu Lissu kutekeleza wajibu wake kwa kusimamia weledi akiwa kama Wakili wa Mahakama Kuu badala ya kufanya Propaganda kwa kutumia lugha ya kejeli, kuudhi na uchochezi kuituhumnu Serikali kuwa inabana demokrasia. taarifa iliyotolewa na Mkurugenzi wa Idara ya Habari (MAELEZO) na Msemaji Mkuu wa Serikali Dkt. Hassan Abbasi leo July 18 2017. “Vyombo mbalimbali vya habari leo vimemnukuu Mbunge wa Singida Mashariki Ndugu Tundu Lissu ambapo pamoja na mambo mengine, huku wakati fulani akitumia lugha za kuudhi, uchochezi na kejeli, ameituhumu Serikali kuwa inabana demokrasia nchini,” imefafanua taarifa hiyo. Taarifa hiyo imesema kuwa madai kwamba Serikali inakandamiza demokrasia ni propaganda tu za kisiasa, kutokana na Lissu kuonekana kuchanganya kati ya haki katika demokrasia ambazo hata yeye amezitumia kuongea na wanahabari bila tashtiti kwa upande mmoja na mising...
Read more

waziri mkuu majaliwa awa mkali

Image
"Kilosa ni lazima wazilipe hizo fedha. Katibu Tawala simamia zoezi hilo na kama watachelewa, uzikate moja kwa moja kwenye fedha yao wanayoletwa kutoka Ofisi ya Rais (TAMISEMI). Nataka nipewe taarifa ya maamuzi hayo kabla Juni haijaisha,” Amesema Waziri Mkuu, Kassim Majaliwa wakati akimwagiza Katibu Tawala wa Mkoa wa Morogoro, Clifford Tandari aitishe kikao na uongozi wa Halmashauri ya Kilosa na kupata kauli yao ni lini watalipa zaidi ya sh. milioni 210 wanazodaiwa na Halmashauri ya Gairo. Waziri Majaliwa ametoa agizo hilo baada ya kupokea taarifa ya mkoa na wilaya katika kikao kilichofanyika Gairo mjini.
Read more

Kilichomkorofisha Mke wa Roma

Image
Roma amefunguka na kuzungumzia kuhusu wasanii wenzie walivyolichukulia tukio lake la kutekwa akisema baadhi walibeza na kumtaja Nay Wa Mitego ambaye alipost ujume ulioashiria kuwa Roma alipewa hela ingawa alidai ni raiki yake. Mbali na hiyo, amesema mke wake alichukia kuhusu ishu ya Madee mpaka akampost na kusema kuwa siyo marafiki ingawa anacheka nao lakini siyo marafiki. Aidha, Roma hakusita kuzungumzia baadhi ya wasanii waliokwenda kumuona alipopata matatizo akisema hawafiki 10. .>>> “Hili tukio limenifunza mengi, mkikaa kifamilia na mkeo anakuambia kuna fulani ni rafiki yako mbona hakuja? Tukio lenyewe limewafanya watu kuniogopa. Nimekutana na Madee mwenyewe ndio hizo ananizingua, ananambia nije nikucheki na mimi nitekwe? Hata ile ya Madee, wife ana-mind anasema washikaji gani ukipata matatizo hawaji kukuona? Hata ukiangalia lile tatizo wachache ndio walikuja kuniona hawazidi hata kumi.” – Roma Mkatoliki Na Millardayo.com
Read more

. Ridhiwani Kikwete amefunguka haya kwa wananchi na baadhi ya viongozi wakae

Image
Mbunge wa Jimbo la Chalinze (CCM) Mhe. Ridhiwani Kikwete amefunguka na kuwataka wananchi na baadhi ya viongozi wakae kimya kama jambo hawalifahamu undani wake kwani kufanya hivyo hakutaweza kusaidia upelelezi. Ridhiwani Kikwete amebainisha hayo kupitia ukurasa wake wa Instagram baada ya baadhi ya viongozi kujaribu kutumia tukio lililompata Mbunge wa Singida Mashariki (CHADEMA), Tundu Lissu kupigwa risasi na watu wasiofahamika kama jukwaa la kisiasa kwa kutaja wahusika wa jambo hilo bila ya kuwa na ushahidi wa aina yeyote ile mbapo ni hatari kwa usalama wa nchi. "Kama jambo haulijui, haujalishiriki bora unyamaze. Kutunga uongo au kuandika sana ili uonekane unajua kufikiri dhidi ya uhalisia hakutasaidia upelelezi wala haki kuonekana ikitokea. Tuwe watulivu katika kipindi hiki ili haki itendeke", amesema Ridhiwani Kikwete.
Read more

Spika Ndugai Aagiza Kubenea Kusakwa, Zitto Kufikishwa Kwenye Kamati ya Maadili

Image
Spika wa Bunge, Job Ndugai amemuagiza kutafutwa kwa namna yoyote Mbunge wa Ubungo(Chadema), Saed Kubenea apelekwe kesho kwenye Kamati ya Bunge ya Ulinzi na Usalama ili ahojiwe kuhusu kauli aliyoitoa ya kumtuhumu Spika kuwa amedanganya idadi ya risasi alizopigwa Mbunge wa Singida Mashariki (Chadema), Tundu Lissu. Pia Spika Ndugai ameagiza Kubenea na Mbunge wa Kigoma Mjini(ACT Wazalendo), Zitto Kabwe kupelekwa katika Kamati ya Bunge ya Maadili na Madaraka kwa tuhuma mbili tofauti Zitto anatuhumiwa kutamka kuwa Bunge limewekwa mfukoni na muhimili fulani, wakati Kubenea ni kwa kumtuhumu Spika kusema uongo wa idadi ya risasi alizopigwa Lissu. Spika Ndugai ametoa maagizo hayo bungeni mjini Dodoma leo Jumanne. M
Read more

Msigwa tunawindwa wabunge wanne CHADEMA -

Image
Msigwa amesema hayo leo akiwa jijini Nairobi nchini Kenya ambapo yupo huko kwa ajili ya kumuangalia Mbunge Tundu Lissu aliyeshambuliwa kwa risasi Septemba 7 mwaka huu mjini Dodoma, Msigwa ametumia nafasi hiyo kutoa taarifa kwa vyombo vya usalama kuwa hata wao wanatafutwa na watu wasiojulikana ili kupigwa risasi. " Usalama wetu upo mashakani niwaambie usalama wa taifa, nimwabie Mkuu wa Majeshi, nimwabie IGP pamoja na Rais mwenyewe tunawindwa wabunge wengine wanne wa CHADEMA akiwepo Mhe. Freeman Mbowe, mimi vijana wale walinifuata wiki mbili zilizopita Iringa, Mhe Godbless Lema alifuatwa Arusha, Halima Mdee na Mhe. Mbowe tupo kwenye orodha hiyo ya kuuwawa" alisema Mchungaji Msigwa Aidha Mchungaji Msigwa ameendelea kusema licha ya vitisho hivyo wao wataendelea kuzungumza na kukemea mambo ambayo yapo kinyume na utaratibu na sheria za nchi na kusema hawataogopa. "kwa hiyo hizo roho zetu tumeziweka mikononi mwenu lakini tunasema kwamba hatutanyamaza tutakosoa, tukakeme...
Read more